வித்யா-சி

மனைவி யல்லள்

மனையின் தலைவியவள்

மனையின் இதயமவள்

நலம்தரும் விதியாய் – இளமை

வளமையின் விதையாய் 

சதியெனும் உறவாய் – அன்புச்

சுவைமிகு கனியாய்

மெல்லிய மனமாய் – சாதி

மல்லியின் மணமாய்  

இதயத்தின் துடிப்பாய் – வாழ்க்கைப்

பயணத்தின் துணையாய்

விலையில்லாக் கலையாய் – இல்லத் 

தலைவியெனும் தகையாய்

திருவினைப் பயனாய் – நிறை

திருமதியென வந்தாள்

துன்பம் இல்லை எந்நாளும்

இன்பநிறை இல்லே எந்நாளும் 

வெறும் மணத்தினால் 

வந்தவளில்லை

விரும்பும் மனத்தினால் 

வந்தவள்

கண்ணென்று உனக்கு

நானில்லை

கருத்தாக எனக்கு

நீ உண்டு

உன்னை வாழ்த்தினால்- அது

எனக்கும் வாழ்த்து

தன்னைத்தான் வாழ்த்துவார் யார்

வணக்கம் அந்த

இறைவனுக்கு -உன்னை

வரமாய்த் தந்த

தலைவனுக்கு

என்னோடு  நீ இரு

காம்போடு இலையாக

கடலோடு அலையாக